Archive for ಜೂನ್, 2010

ಗೀತೆಯ ಬಗ್ಗೆ ಸುಮ್ಮನೆ ಹೀಗೇ ಮಾತಿಗೆ

ಜಾಸ್ತಿ ತಿಳಿದುಕೊಳ್ಳದ ವಿಷಯದ ಬಗ್ಗೆ ಮಾತಾಡೋದು ಸರಿ ಅಲ್ಲ ಅನ್ನುವುದು ಸಾಮಾನ್ಯ ಜ್ನಾನ. ಅದರಲ್ಲೂ  ಧರ್ಮಕ್ಕೆ ಸಂಬಂಧಿಸಿದ ವಿಷಯದ ಬಗ್ಗೆ ಮಾತಾಡೋದಂದರೆ ಒಂಥರ ನಾಚಿಕೆ ಮುಳ್ಳನ್ನು ಮುಟ್ಟವುದಕ್ಕೆ ಹೋದ ಹಾಗೆ. ನಮ್ಮ ಈಗಿನ ಪರಿಸರದಲ್ಲಿ ‘ಧ’ ಅಂತ ಬಾಯಿ ಬಿಟ್ಟು ‘ರ್ಮ’ ಅಂತ ಬಾಯಿ ಮುಚ್ಚುವ ಒಳಗಾಗಿ ಮುಳ್ಳು ಚುಚ್ಚುವುದಷ್ಟೇ ಅಲ್ಲ, ಠಕ್ಕನೆ ಎಲೆಗಳೆಲ್ಲಾ ಮುಚ್ಚಿ ಹೋಗಿ ಮಾತಾಡುತ್ತಿದ್ದ ವಿಷಯದ ಸ್ವರೂಪವೇ ಕಾಣದ ಹಾಗೆ ಆಗಿಬಿಡುತ್ತದೆ.  ಅದರಲ್ಲೂ ಭಗವದ್ಗೀತೆಯಂತಹ ಪಠ್ಯದ ಬಗ್ಗೆ ಹೇಳಲಿಕ್ಕೆ ಹೊಸತು ಅಂತ ಏನಿದ್ದೀತು? ನೂರಾರು ಅನುವಾದಗಳಿಗೆ, ತರಾವರಿ ಭಾಷ್ಯಗಳಿಗೆ, ಒಂದಕ್ಕೊಂದು ವಿರೋಧಿಯಾದ ಪಂಥಗಳಲ್ಲಿ ಭಕ್ತಿಗೆ, ನಂಬಿಕೆಯ ಚೌಕಟ್ಟಿನ ಒಳಗೂ ಅದರ ಆಚೆಗೂ ಬಿಸಿಬಿಸಿ ಚರ್ಚೆ-ಜಗಳಗಳಿಗೆ ಮೂಲವಾಗಿರುವ, ಆ ಕಾಲದ ಶಂಕರರಿಂದ ಹಿಡಿದು ಈ ಕಾಲದ ಗಾಂಧಿ, ತಿಲಕ್, ರಾಜಾಜಿಯವರೆಗೆ ಎಷ್ಟಷ್ಟೊಂದು ಜನರು ತುಂಬಾ ತಲೆಕೆಡಿಸಿಕೊಂಡು ಅವರವರ ಭಾವಕ್ಕೆ ಭಕುತಿಕೆ ತಕ್ಕನಾಗಿ ಒಗ್ಗಿಸಿಕೊಂಡ ಗ್ರಂಥ ಅಲ್ಲವಾ ಅದು? ಹೊಸತು ಹೇಳಲೇಬೇಕೆಂದು ಛಲ ಇದ್ದರೆ ಹಳೆಯದ್ದನ್ನೆಲ್ಲಾ ಒಟ್ಟು ಹಾಕಿಕೊಂಡು ಹತ್ತು ವರ್ಷ ಓದಬೇಕಾದೀತು.

Read the rest of this entry »

Comments (10)